கடந்த 20/12/2023 அன்று மாலை, மழை வெள்ளத்தால் பாதிக்கப்பட்ட மக்களுக்கு உதவுவதற்காக களப்பணியில் ஈடுபட்டிருந்த அகிலம் சமூக சேவை மன்றத்தின் பொறுப்பாளரை, Veedu Computers உரிமையாளர் திரு. சண்முகம் அவர்கள் தொலைபேசியில் தொடர்பு கொண்டு, பாதிக்கப்பட்டவர்களுக்கு தேவையான பொருட்களின் பட்டியலை கேட்டறிந்தார். மறுநாள் 21/12/2023 மதியம், மளிகைப் பொருட்கள், அரிசி, பாய், போர்வை உள்ளிட்டவை தேவை என்று மன்றத்தின் பொறுப்பாளர் தெரிவித்ததும், மூன்று மணி நேரத்திற்குள் திரு. சண்முகம் அவர்கள் அனைத்து பொருட்களையும் சேகரித்து மன்றத்திடம் ஒப்படைத்தார்.
இந்த நிவாரணப் பொருட்கள், வெள்ளத்தால் கடுமையாக பாதிக்கப்பட்ட எளிய மக்களின் வீடுகளுக்கு நேரடியாக கொண்டு சேர்க்கப்பட்டன. திரு. சண்முகம் அவர்களின் துரிதமான உதவியும், பொருட்களை ஒப்படைக்க உதவிய அவரது நண்பரின் அர்ப்பணிப்பும், இந்த கடினமான சூழலில் மக்களுக்கு பெரும் ஆறுதலாக அமைந்தது.
அகிலம் சமூக சேவை மன்றத்தின் சார்பாக, திரு. சண்முகம் மற்றும் அவரது நண்பருக்கு மனமார்ந்த நன்றியையும், முதல் வணக்கத்தையும் தெரிவித்துக் கொள்கிறோம். மன்றத்தின் பொறுப்பாளர்கள் மற்றும் தன்னார்வலர்களுடன் இணைந்து, வெள்ளத்தால் பாதிக்கப்பட்டவர்களுக்கு உதவும் களப்பணிகள் தொடர்ந்து நடைபெற்று வருகின்றன. இத்தகைய மனிதநேய முயற்சிகள், சமூகத்தில் ஒற்றுமையையும், நம்பிக்கையையும் வளர்க்கின்றன.
